Fisk, skjell og krepsdyr

Veterinærinstituttet Oslo og dei regionale laboratoriane i Sandnes, Bergen, Trondheim og Harstad utfører sjukdomsdiagnostikk, helsekontroll og oppdrag. Veterinærinstituttet Oslo er i tillegg referanselaboratorium for fisk og kreps. Tilsvarande funksjon for skjell er lagd til Veterinærinstituttet Bergen.

Ved sjukdomsoppklaring skal kontakt med Veterinærinstituttet og prøveinnsending, når ikkje anna er bestemt, skje i samsvar med den regionale arbeidsdelinga som gjeld for fisk, skjell og krepsdyr, og som vert informert om i dei ulike delane av handboka.
Kontakt med Veterinærinstituttet Oslo skal skje til Seksjon for fiskehelse dersom det er sjukdomsdiagnostikk eller noko anna ikkje er avtala.

Veterinærinstituttet skal alltid kontaktast før innsending dersom:

• det er mistanke om gruppe A-sjukdom eller infeksiøs lakseanemi (ILA).

• ein vil kontrollere for eventuell førekomst av A- eller B-sjukdomsagens hjå tilsynelatande friske dyr eller hjå sjuke dyr utan grunngjeven mistanke, s.k. helsekontroll. Det gjeld også import- og eksportkontroll.

• det er store prøveseriar.

Vetrinærinstituttet bør kontaktast på førehand dersom det er andre spesielle prøveuttak eller problemstillingar.